Sjósund er mikið stundað um allt land og er nánast hægt að stinga sér til sunds hvar sem er á Íslandi. Sjósund er talið mjög heilsu styrkjandi, bæði fyrir andlega og líkamlega heilsu. Sjórinn á Íslandi verður yfirleitt ekki heitari en í kringum 15° á sumrin en fer yfirleitt undir 8° á veturna. Nauðsynlegt er að fara gætilega að þegar haldið er í sjósund, hvort sem það er í fyrsta skipti eða um reyndan sjósundskappa er að ræða. Mikilvægt er að hafa þessi atriði í huga þegar maður stingur sér til sunds í sjónum:
- Undirbúa þig vel – kynna þér aðstæður eins og hitastig, sjávarstrauma, veður og hreinleika sjávar.
- Hafa einhvern með þér frekar en að fara ein/einn. Það getur komið fyrir hvern sem er að ofkælast, fá krampa eða að missa andann tímabundið.
- Gott er að næra sig vel áður en haldið er til sunds.
- Klæðast áberandi klæðnaði og vera með öryggisbúnað meðferðis. Svo sem áberandi sundhettu eða öryggisflot.
- Hafa hlýjan búnað meðferðis til að skella sér í eftir sundið. Svo sem hlýja peysu eða teppi.
- Byrjendum er ráðlagt að synda nálægt ströndinni þar sem hægt er að nálgast landið auðveldlega.
Í Aquasport færðu allt sem þú þarft í sjósundið
Góða skemmtun í sjónum!